Jardunaldi teknikoak 2026

Asteazkena, urriak 28

9:30. ZUMAIAKO KARMELDAR OINUTSEN SAN JOSE KOMENTUA BIRGAITZEKO LANAK (GIPUZKOA)

Hizlariak:

• Ainara Iroz (Gipuzkoako Foru Aldundiko Ondarearen Zerbitzuaren arduraduna)
• Josu Maroto (Gipuzkoako Foru Aldundiko Ondarearen Zerbitzuaren arkitektoa)
• Aitor Zubia (ZETABI Arkitektura Bulegoko arkitektoa)
• Uzuri Larrañana (ZETABI Arkitektura Bulegoko arkitektoa)
• Josu Benito (TECNALIAko Egurraren Ildo Estrategikoko arduraduna).

Jardunaldi honetan, San Jose Komentuaren birgaitze-prozesua ezagutu ahal izango dugu, hainbat ikuspegitatik. Egindako jarduketa desberdinak azalduko dira, baita gremio desberdinen lanak nola gainjarri ziren ere.

15:00. AURREINDUSTRIALIZAZIO EBOLUTIBOA ETA EGOKITZAPENA

Hizlariak:

• Matxalen Acasuso Atutxa
• Paz Martín Rodríguez

Matxalen Acasuso Atutxa arkitektoa (Nafarroako Goi Mailako Arkitektura Eskola –  ETSAUN) da eta HABITA+ estudio eta aholkularitza-enpresako bazkide sortzailea. HABITA+ bizitza-luzera osasungarrira bideratutako habitatak sortzen eta eraberritzen espezializatuta dago. Belaunaldien arteko berrikuntzan espezializatutako mYmO aholkularitza-enpresako eta Jasangarritasuna eta Arkitektura Elkarteko Zuzendaritza Batzordeko kidea da. Elkarte hori, batez ere, jasangarritasunaren eta arkitekturaren sustapen eta hedapenarekiko interes komunak dituzten arkitektoek osatzen dute.

Paz Martín Rodríguez ere Nafarroako Goi Mailako Arkitektura Eskolan (ETSAUN) ikasi zuen Arkitektura, eta Arkitekturako masterra egin zuen Amsterdameko Berlage Instituten. 2003az geroztik, César Garcíarekin batera, FÜNDC arkitektura-bulegoa zuzentzen du. Bulegoak Rotterdamen du jatorria eta gaur egun Madrilen du egoitza. 2015ean, BBVA Fundazioak Ikertzaile eta Sortzaile Kulturalei emandako Leonardo beka jaso zuen proiektu honekin: “DENONTZAKO DISEINUA, Arkitektura eta hirugarren adina”, zahartzaroak bete beharko lukeen espazioaren balorizazio, eguneratze eta ikusgarritasun arkitektoniko eta urbano berria proposatzen duena. envejezANDO arkitektura-berrikuntzako proiektuaren zuzendaria da (landatar eremuan eta hirian).

Biak dira, beste profesional batzuekin batera, habitaTU gidaren egilekideak. Gida horrek araudiaren mugak gainditzeko proposamena egiten du, Euskadiko etxebizitzen, egoitzen eta hotelen diseinuari buruzko legerian bizigarritasunak duen erronkari erantzuteko, eta bizitegi-eredu berria lortzeko ikuspegiak sortzea du helburu.

Osteguna, urriak 29

9:30. INGURATZAILE BEREZIAK ETA EGURREZKO FATXADEN AURREINDUSTRIALIZAZIOA

Hizlariak:

• Félix Flüshöh
• Narcís Poza Belmonte
• Aurelio Gamiz Urrutia

Félix Flüshöh baso-ingeniaria da, eta basogintza eta ingurumen-zientzietan espezializatuta dago. Alemaniako Freiburg-eko Albert-Ludwigs Unibertsitatean ikasi zuen 1996tik 2002ra bitarte. Ondoren, enpresa arloan prestakuntza osatu zuen, Nazioarteko Merkataritzaren Kudeaketako masterra eginez Arabako Merkataritza, Industria eta Zerbitzu Ganberan. 2004az geroztik, Santikurutze Kanpezun dagoen Grupo Gámiz taldean egiten du lan, eta gaur egun operazio-zuzendariaren kargua du. Urte hauetan guztietan, bereziki garrantzitsua izan da hostozabalen egurrezko egitura-produktuen garapenean eta ziurtapenean, eta bereziki haritzaren kasuan. Besteak beste, Alemanian erabilera estrukturalerako haritzezko egur laminatu kolatuaren ziurtapen-prozesuaren arduraduna izan zen. Prozesua 2012an amaitu zuten, Alemaniako ziurtagiria lortu zutenean. Haritzezko egur laminatu estrukturalaren CE ziurtagiria lortzeko proiektua ere zuzendu zuen. Lan hori 2013an amaitu zuten, Europako Ebaluazio Teknikoa (ETA) eta dagokion CE marka lortuta. Gainera, Félixek zuzenean parte hartu du Europako normalizazio-lanetan, hostozabalez egindako egur laminatu kolatuko egiturei buruzko Europako arau harmonizatua garatzeaz arduratzen den lantaldeko kide gisa.

Narcís Poza Belmonte, Talleres Inox S.A. enpresako zuzendari nagusia da. Enpresa hori erreferentea da fatxadetako inguratzaile berezietan, eta 50 urte baino gehiagoko ibilbidea du merkatuan. Narcísek familia-enpresa horren buru den bigarren belaunaldia ordezkatzen du. Bere lidergoa negozioaren ezagutza integral eta praktikoan oinarritzen da: 24 urte besterik ez zituela sartu zen enpresan, eta enpresa bere oinarrietatik bertatik ezagutu du: muntaketa eta fabrika arloak, sail teknikoa eta merkataritza arloa. Gaur egun, gerentea da. Industriaren inguruko ikuspegi 360º horrek, fatxadetako konplexutasun tekniko handiko proiektuetan duen esperientziarekin batera, erreferentziazko aditu bihurtu du fatxaden eraikuntza eta ingeniaritzaren arloan.

Aurelio Gamiz Grupo Gámiz taldeko salmenta-kudeatzailea eta Espainian errendimendu handiko tratatutako egurraren teknologiaren estrategia eta preskripzioaren (Accoya) arduradun nagusia. Aurelio Ekonomia lizentziaduna da Euskal Herriko Unibertsitatean, eta MBA du ESEUNE Business Schoolen. Esperientzia handia du B2B merkatuen garapenean, merkataritza-zuzendaritzan eta arkitektura- eta ingeniaritza-estudioei aholkularitza ematen, eraikuntzako material jasangarriak integratzeko. Zuzendaritza-lanaz gain, irakaslea ere bada Madrilgo Unibertsitate Politeknikoko Egurrezko Eraikuntzako Unibertsitate Masterrean irakasle laguntzaile gisa.

Jardunaldi tekniko honetan, eraikuntzaren etorkizunerako funtsezko arlo bat sakonduko dugu: inguratzaile bereziak eta egurrezko fatxaden industrializazioa. Teknologia eta material hori abangoardiako arkitekturan nola gauzatzen diren ikusteko, erreferentziazko bi proiektu aztertuko ditugu:

Lehenengoa Bodegas Faustino Upeltegien fatxada da, Oionen (Araba). Lan ikusgarria da eta, bertan, haritzez egindako horma-gortina eliptikoa nabarmentzen da (material berarekin egindako eguzki-babesekin osatuta dago). Aztertuko dugun bigarren kasua, aldiz, Bartzelonako El Poble Nou auzoan dagoen KNEM eraikina izango da. Proiektu honetan, Pinu Radiata egurrez egindako horma-gortina bat ikusiko dugu, pasabideekin eta aluminiozko kanpoaldeko azal bikoitzarekin integratua. Bi adibide horiek erakusten dute egurrak egungo fatxada industrializatuetan dituen aldakortasuna, zehaztasun teknikoa eta balio estetikoa.

15:00. EGURRAREN INGENIARITZA EGUR TRINKOZKO ERAIKINETAN

Hizlariak:

• Christian Maluk

15 urte baino gehiagoko esperientzia profesional, akademiko eta ikertzailea du Cristian Maluk doktoreak. Horrekin lotuta, abangoardiako ikerketa eta suteen aurkako segurtasun-ingeniaritza bateratu ditu bere ibilbidean. Edinburgoko Unibertsitatean (Eskozian) egindako doktoregoak eta Queenslandeko Unibertsitatean (Australian) izandako ibilbide akademikoak oinarri tekniko sendoa eta diziplina anitzeko lankidetzan zein suteen aurkako segurtasunaren arloko lidergoan esperientzia eman dizkiote. Gaur egun, DAMA Engineering Consultants enpresako zuzendari teknikoa da, eta hainbat izaera eta konplexutasunetako proiektuetarako irtenbide teknikoak zuzentzen ditu.

Jardunaldi tekniko honetan, egur trinkozko eraikinetako suteen ingeniaritzaren erronkak aztertuko dira. Azterketa- eta diseinu-metodoak jorratuko dira, bai eta eraikuntza mota horren berezko arriskuak murrizteko arintze-estrategiak ere: materialak sute-kargari egiten dion ekarpena, karbonizazioa, delaminazioa, ezkutuko errekuntza (smouldering izenekoa) eta sua itzaltzeko zailtasuna.

Aurkezpenean, egur trinkoak suteen aurkako segurtasun-diseinuaren oinarrizko printzipioak (konpartimentazioa, egonkortasun estrukturala eta suaren portaera) nola aldatzen dituen aztertuko dugu, baita horrek eraikin seguruak diseinatzeko dituen ondorioak ere.

Araudiaren araberako ikuspegiak eta errendimenduan oinarritutako diseinua (performance-based design) aurkeztuko dira, baita egur trinkoarekin lotutako berariazko xedapenak ere. Azkenik, eraikuntza horien diseinu segururako eta eraginkorrerako tresna gisa baliagarriak diren azterketa-kasuak eta ikerketako azken aurrerapenak berrikusiko dira.